[تحديث تم إرسال المشروع] مشروع BIGBANG من YG MANIA CLUB ^^ !

هايو يا احلى في اي بيز في العالم .. الفي اي بيز العربي ^^

تم بحمدالله الانتهاء من مشروع بيق بانق .. الموضوع يحتوي على صور الهدايا .. ابغا اتكلم في البدايه عن كم حاجه كدا 

اولا : انا جداااا مبسوطه انو المشروع اكتمل للاخر بدعمكم وبجهدنا .. 

ثانيا: المشروع دا حتى خلاني بجد فخووووره جدا اني اكون في اي بيز ..لان الدعم الي لقينا اثبت لنا انكم بالفعل تحبون بيق بانق 

وماتبغون تطلعون بأي هدايا .. المشروع دا فعلا يتكلم عننا ..كعرب وكفي اي بيز 

ثالثا: التعب الي تعبناه كل الي شارك في المشروع كان بجد مو عالفاضي .. يعني انا بس بقول حتى لو ما شوفنا الحاجات دي عليهم يكفينا انو المشروع دا 

كأول مشروع من الفي اي بيز العرب انتهاء واكتمل بنجاح .. وان شاء الله ما يكون اخر مشروع ^^ 

نروح للصور : 

اول حاجه دا صندوق الي راح تكون فيه الهدايا 

.

ثاني حاجه السي دي الي فيه الفيديو تبع المشروع ^^ وراح نحط الفيديو لكم تشوفونه كمان .. بالصوره باين كفر الغلاف من الخارج تصميم مختلف عن تصميم السي دي بالداخل:

.

ثالث حاجه الاساور الي مكتوبه بأسماء بيق بانق بالعربي .. طبعا واجهتني مشكله في الاساور لما وصلت انو الخيوط كانت مو بمستوى الحاجه المتوقعه

كانت جدااا عاديه وحتى دا الشي مو كلامي بس كلام الي شافوها اول ماوصلت من اخواتي وصحباتي كمان ..لكن غيرتها بجلد اسود وصار منظرها احلى بكثير ^^ : 

 

وهادي صوره تبين حجم الاسوره على يدي .. ونوع المصك : 

.

اخيررررررررررا وليس اخرا هديتنا الرئيسية ..الثياب ^^ .. طبعا لكل واحد فيهم لون معين وباين بالصور كل ثوب لمين : 

..

طبعا مو ناسيين المجله الي فيها رسايلكم لكن راح احدث الموضوع بصورها قريب ان شاء الله ..

شي ثاني بعد مشوارت واخذ ورد في موضوع موعد ارسال المشروع قررنا بالاخير اننا نرسلها لما يرجعوا بيق بانق من اليابان 

لان الي راح نرسل المشروع له موجود بكوريا غير انهم اكيد ماراح يلاقوا وقت باليابان انهم يشوفوا هدايا الفانز .. يعني مشغولين اكيد بالترويج 

لألبومهم .. راح ننتظر الشهرين حقت الترويج بإذن الله بعدها راح يتم ارسال المشروع .. لانو حتى لو ارسلناها دحين احنا هدفنا انو بيق بانق يشوفونها مو بس انها تروح لكوريا ..صح !!

شي اخير .. في بداية هذا المشروع واجهتنا بعض المشاكل لكن كان فيه شي مخليني مصره اني اكمل بالمشروع بما انو كان فكرتي .. وما اوقف عنو ابدا ..الشي دا هوا دعمكم انتوا 

وصبركم علينا .. ولو انو البعض ماكان صبور جدا .. الي ماكانوا صبورين معانا ..حابه انهم يعرفون انو دا اول مشروع لنا شي طبيعي يسير التأخير كنا نتمنى لو انكم كنتوا اكثر 

تفهم من كدا .. 

اخيرااا .. الموضوع راح يتم تحديثه اتمنى انكم تتعابونه وتشوفون التحديثات اول بأول ^^

تحديييييييييييييييث الفيديو 

الفيديو الي تشوفونه مو نفس الي بالدي في دي فيه اشياء ناقصه لان فيه مقاطع لبنات حاطين اخواتهم الصغار يرقصون وغيره ولا تبي احد يشوفه =) ومررره ثانكيو لـ wejwej على مساعدتها لنا بالفيديو 333>

 

مجلة الرسايل طبعا الصوره تبين المجله بغلافها الخارجي من الامام والخلف ومحتوياتها من مقدمة باسم العرب الفي اي بي كلللهم 

وبعدها صورة لبيق بانق وبعدين رسايلكم  و في وسط المجله برضو صور لبيق بانق وعليها عبارات 

و الــــــــــــــــــــــــــــــــــــف شكر لـ ” نسيم”  او “MiekojNas”  الي ساعدتنا كثيييير بالمجله لانها تكفلت بطباعتها كاااملة و بجد الطباعه 

شي خورافي يعني ما ادري اذا مبين بالصور ولا لا بس والمجله بين ايديني بجد انا كنت اشوفها و مو مصدقه  وللأمانه برضو 

نسيم ما تأخرت علي ابددددا بإرسال المجلة ..انا الي تأخرت بلتحديث بالصور عشان كنت اشتغل على الغلاف بالكريستال 

لاني حسيت هالشي راح يعطي المجلة فخامة ومنظر احلى 

و هاذي صورة وااضحه للغلاف و الكريستال قبل التركيب ^^

و اخيرا انا فكرت يمكن الصور مو مبينه كل شي .. ففضلت انو احط صورة بالتصاميم الاصلية للمجله 

عشان تشوفونها بوضوح ^^ 

المشروع خلاص راح لكوريا .. باقي ننتظر ونشوف يمكن بيق بانق يلبسوا شي منو …. دحين لازم تسيروا زي الكوريين تفتحتوا عيونكم بكل صورة عشان لو لبسوا الاساور نشوفها عليها ^^